Volgens die Kelvin(temperatuur)skaal — gesê van 'n graad of grade; bereken, aangegee, ooreenkomstig 'n termodinamiese temperatuurskaal wat, deurdat dit berus op 'n temperatuurbegrip soos gedemonstreer deur kringprosesse, onafhanklik is van die eienskappe van bepaalde stowwe, en wat 'n nulpunt (–273.16 °C) volgens die ideale gasskaal het en waarby aan 'n bepaalde standaardtemperatuur (tripelpunt van water) 'n sekere getalswaarde toegeken word so dat die smeltpunt van ys 273.16° en die kookpunt van water 373.16° is en die meeteenheid (graad Kelvin) dus gelyk is aan die graad Celsius; afk. K. kelvin. (elektrisiteit) Benaming ter ere van lord Kelvin in 1892 deur die Britse "Board of Trade" voorgestel vir die handelseenheid van elektriese energie, die kilowatt-uur.